Sot, në datë 19.05.2022, në mjediset e Autoritetit të Konkurrencës, u zhvillua takimi ndërmjet Kryetarit të Autoritetit të Konkurrencës (AK) dhe përfaqësuesve të Shoqatës Gjermane për Bashkëpunim Ndërkombëtar – GIZ, në kuadër të projektit SANECA, i cili ofron mbështetje për përgatitjen e negociatave për anëtarësim në Bashkimin Evropian.
Kjo mbështetje, do të ofrohet ndaj Autoritetit të Konkurrencës, si lider i kapitullit 8 të MSA, në lidhje me (i) procesin e negociatave, (ii) hartimin/zbatimin e dokumentave strategjike (përfshi hartim legjislacioni), dhe (iii) përfshirjen e shoqërisë civile në procesin e negociatave.
Në vijim të diskutimeve, Kryetari i AK iu kërkoi përfaqësuesve të GIZ asistencë në lidhje me forcimin e kapaciteteve institucionale në fushën e procesit të integrimit; procesit të diskutimeve dhe pregatitja për procesin e negociatave; zhvillimit të aftësive raportuese lidhur me procesin e integrimit dhe procesin e përafrimit të legjislacionit shqiptar në fushën e konkurrencës me acquis të BE-së, etj.
Nga ana e përfaqësuesve të GIZ u shpreh mbështetje e plotë për krijimin e një bashkëpunimi sa më të frytshëm e konkret.
