Në Sofie, Bullgari, u realizua me sukses diskutimi në tryezën e parë të rrumbullakët të krerëve të autoriteteve të konkurrencës të vendeve të Europës Juglindore.
Kjo tryezë e rrumbullakët u zhvillua në kuadrin e SEECP – Procesi i Bashkëpunimit të Europës Juglindore.
Në këtë takim, përfaqësuesit më të lartë të autoriteteve të konkurrencës së vendeve të rajonit, diskutuan për situatën e konkurrencës në vendet përkatëse. Gjithashtu, gjatë diskutimeve, u shkëmbyen përvojat më të mira për të përmirësuar punën e këtyre institucioneve.
Në përfundim të kësaj tryeze të rrumbullakët, pjesëmarrësit dolën me një deklaratë të përbashkët, ku u theksua rëndësia e një bashkëpunimi rajonal për zhvillimin e konkurrencës .
Deklarata e përbashkët u nënshkrua nga krerët e autoriteteve të konkurrencës të Shqipërisë, Bosnje dhe Hercegovinës, Bullgarisë, Kroacisë, Maqedonisë, Moldavisë, Rumanisë, Serbisë dhe Turqisë.
Lexo për me tepër
