Pranë Autoritetit të Konkurrencës është protokolluar shkresa nr. 72 prot., i AK, datë 15.01.2025, “Njoftim mbi përqendrimin – MVM Energetika Zártkörűen Működő Részvénytársaság dhe E.ON Romania S.A.”, ku jemi njoftuar në lidhje me transaksionin e propozuar mbi blerjen e aksioneve në shoqëritë E.ON ENERGIE ROMÂNIA S.A. dhe E.ON ASIST COMPLET S.A. nga blerësi MVM Energetika Zártkörűen Működő Részvénytársaság.
Referuar dokumentacionit të depozituar, palët në marrëveshje janë:
Blerësi: MVM Energetika Zártkörűen Működő Részvénytársaság, është një shoqëri me përgjegjësi të kufizuar, e regjistruar sipas legjislacionit të Hungarisë, me objekt aktiviteti: Veprimtari të shoqërive holding, instalimi i makinerive dhe pajisjeve industriale, ndërtimi i objekteve të infrastrukturës për energji elektrike dhe telekomunikacion, etj.
Shitësi: E.ON ROMÂNIA S.A. është një shoqëri aksionare, e themeluar dhe e organizuar sipas ligjeve të Rumanisë.
Target 1: E.ON ENERGIE ROMÂNIA S.A. është një shoqëri aksionare, e themeluar sipas legjislacionit të Rumanisë, e cila operon në Rumani biznesin e shitjes me pakicë dhe asistencës teknike për konsumatorin e grupit E.ON, me aktivitet të saj kryesor furnizimin me energji elektrike dhe gaz natyror për konsumatorët.
Target 2: E.ON ASIST COMPLET S.A. është një shoqëri aksionare, e themeluar sipas legjislacionit të Rumanisë, aktive vetëm në Rumani, ku ofron shërbime për konsumatorët, të tilla si instalime pajisjesh, shërbime teknike dhe mirëmbajtje (instalimet e gazit natyror dhe instalime elektrike, panelet fotovoltaike, sistemet e ngrohjes, kaldajat, njësitë e kondicionimit të ajrit dhe pajisjet mbrojtëse).
Shoqëritë target nuk kanë asnjë filial, degë apo zyrë përfaqësimi në Republikën e Shqipërisë.
Nga shqyrtimi i dokumentacionit, rezulton se transaksioni i njoftuar është në përputhje me nenin 10 dhe 12 të ligjit, sipas të cilit duhet respektivisht të realizohet ndryshimi i qëndrueshëm i kontrollit si dhe të plotësohen kriteret e xhiros.
Për sa më sipër, ky transaksion është objekt autorizimi nga Komisioni i Konkurrencës.
Autoriteti fton palët e interesuara, që brenda pesë ditëve nga shpallja e njoftimit, të shprehin opinionet e tyre për transaksionin e njoftuar.
Opinionet mund të dërgohen pranë Autoritetit të Konkurrencës me postë në adresën: Autoriteti i Konkurrencës, Rr. “Sami Frashëri”, Nr. 4, Kati IV Tiranë; apo me e-mail në adresën competition@caa.gov.al.
