Komisioni i Konkurrencës, në mbledhjen e tij më datë 17.03.2023, mori në shqyrtim rastin e shtyrjes së afatit të përjashtimit nga ndalimi të marrëveshjes së lidhur ndërmjet shoqërive Philip Morris Products S.A dhe KT&G Corporation.
Periudha e propozuar për shtyrjen e përjashtimit të marrëveshjes, deri më datë 26 tetor 2023, nuk pritet të sjellë ndryshime të ndjeshme në strukturën e tregut të shitjes me shumicë të produkteve pa djegie që përmbajnë nikotinë dhe për këtë arsye miratimi i shtyrjes së përjashtimit nuk do të sjellë efekte mbi konkurrencën në treg.
Për këto arsye, Komisioni i Konkurrencës me Vendimin nr. 966, datë 17.03.2023, vendosi të shtyjë afatin e përjashtimit nga ndalimi të marrëveshjes së lidhur ndërmjet shoqërive Philip Morris Products S.A dhe KT&G Corporation, deri në datë 26 tetor 2023.
Për më tepër, ju lutem konsultoni faqen zyrtare të Autoritetit të Konkurrencës në https://caa.gov.al.