Autoriteti i Konkurrencës, si lider dhe koordinator i kapitullit 8 “Politika e Konkurrencës, më datë 27.04.2022 ora 11:00 në ambientet e Autoritetit, zhvilloi një takim në kuadër të “tryezës së partneritetit”, në zbatim të Urdhrit të Kryeministrit nr.113, datë 30.08.2019 “Për format e pjesmarrjes, funksionimin dhe strukturën institucionale të platformës së partneritetit për integrimin Evropian”. Në takim morën pjesë përfaqësues nga studio ligjore Boga & Associates dhe përfaqësues nga Ministria e Kulturës, Ministria e Bujqësisë dhe nga INSTAT si anëtarë të Gupit Ndërinstitucional i Punës për Integrimin Evropian (GNPIE). Gjatë takimit, pjesmarrësit u njohën me Udhëzuesin “Mbi kufizimet e konkurrencës “sipas objektit” për qëllime të përcaktimit të marrëveshjeve të cilat mund të përfitojnë nga Njoftimi De Minimis, i cili është parashikuar për miratim, tremujorin e dytë të vitit 2022, mbi zbatimin e PKIE 2022-2024.
Ky Udhëzim gjendet i publikuar në faqen web të Autoritetit të Konkurrencës caa.gov.al, për konsultim.