Znj. Fatjola Delija (Lubonja) është zgjedhur anëtare e Komisionit të Autoritetit të Konkurrencës me Vendimin nr. 39/2024 , datë 11.04.2024 të Kuvendit të Republikës së Shqipërisë. Znj. Delija ka përfunduar studimet Bachelor në Manaxhim Biznesi në vitin 2008 pranë Universitetit të Tiranës– Departamenti i Manaxhimit dhe studimet Master në Financë pranë Universitetit të Tiranës – Departamenti i Financës (2011). Prej vitit 2020, Znj. Delija mban gradën shkencore Doktor i Shkencave Ekonomike në Financë.

Znj. Delija është angazhuar për një periudhë nëntë vjeçare në jetën akademike si pedagoge dhe lektore pranë Universitetit të Tiranës, Fakulteti i Ekonomise; Universitetit Bujqësor të Tiranës, Fakulteti i Ekonomisë dhe Agrobiznesit si dhe në Universitete  jo publike. Ajo është autore e botimeve të ndryshme në revista shkencore të mirënjohura dhe pjesëmarrëse në konferenca shkencore brenda dhe jashtë vendit. Gjatë karrierës së saj Znj. Delija ka qenë pjesë e administratës publike duke ushtruar disa funksione të rëndësishme si Drejtor i Integrimit Europian dhe Projekteve në Ministrinë e Punëve të Brendshme dhe Drejtor i Planifikimit të Buxhetit dhe Financës në Autoritetin Rrugor Shqiptar. Ajo ka ndjekur specializime të vazhdueshme në çështjet e integrimit europian dhe menaxhimit të biznesit si Shkolla Verore Europiane (2016) organizuar nga Këshilli Kombëtar i Integrimit Evropian me mbështetjen e Këshillit të Evropës dhe Specializim në Biznes (2020-2021) online në Wharton University of Pennsylvania. Për një periudhë rreth pesë vjeçare Znj. Delija ka qenë e punësuar pranë Bankës së Shqipërisë fillimisht në Departamentin e Sistemit të Pagesave, Kontabilitetit dhe Financës dhe më pas në Departamentin e Mbikëqyrjes Bankare, fokusuar në riskun e kreditimit ku është trajnuar në vazhdimësi nga Deutsche Bundesbank, Center of Exelence in Finance, etc.

Ajo është pjesë aktive e shoqërisë civile veçanërisht në çështje që lidhjen me përmbushjen e të drejtave të fëmijëve në nevojë dhe komuniteteve të margjinalizuara në Shqipëri, barazisë ginore dhe të rinjve. Znj. Delija ka qenë gjithashtu e përfshirë në vazhdimësi si konsulente në projekte të ndryshme kombëtare dhe ndërkombëtare.